presentación

Andivemos mirando que se pode ler de Celso Emilio Ferreiro na rede, para descubrir con mágoa que non hai moita cousa.
Temos a sorte de ter a súa obra con nós, e o privilexio de contar na nosa biblioteca cun exemplar das Cantigas de Escarnio e Maldecir.
Celso Emilio (1913-1979) editounas en 1968, baixo o seudónimo de Arístides Silveira.
Era unha autoedición sinxela e sen asinar, por razóns obvias.
Creamos este blog para reivindicar a figura dun dos –ao noso entender– mellores poetas do século XX e que así forme parte do acervo virtual.

Podes ir ao índice para ler os poemas un a un ou ao libro para ver a obra ao completo.

Filed under | Comment (1)